Zoragarria izan da zuen Inauterietako mozorro eta karrozak ikustea. Argi geratu zaigu MAKUSI klubeko kideek imaginazio eta trebetasun handia duzuela. 

Guztiz murgildu gara MAKUSI unibertsoko Inauterietan eta hau, zuei esker izan da! Azkenik, bozketa fasea amaituta, jada badugu MAKUSI klubeko 2026. urteko Mozorro lehiaketako irabazlea: 

NOA! ZORIONAK!

Gozatu ezazu irabazitako tabletaz! 

Gogoratu, lehiaketako argazki galeria ikusgai duzuela. 

INAUTERIAK MAKUSIN

Inauteriak edukiz beterik helduko dira MAKUSIra, Herri inauteriei buruzko istorioak bilduko dituen haurrentzako ipuinak izango ditugu MAKUSIn. Horrez gain, Potx eta Lotx kantari itzuliko dira “Sua, Zarata, Kaosa… Inauteriak!!” bideokliparekin, eta Inauterietako edukiekin osatutako bilduma berezia izango duzue MAKUSI bideo plataforman.

Gogoratu, MAKUSIn eduki eskaintza zabala aurkituko duzu! Klubeko kideentzako lehiaketak eta zozketak; marrazki bizidunak, telesailak eta filmak MAKUSI bideo plataforman eta eduki esklusiboak gure webgune eta sare sozialetan (TikTok, YouTube eta Instagram), den-dena euskaraz.