“Papir-o!” saio berria, MAKUSIra iritsi da!

Eskulanak egitea gogoko duzuenontzat edo pixkanaka trebatzen hasi nahi duzuenontzat saio ezin hobea da “Papir-o!”. Guztira 12 saio izango ditugu esku hartean, eta astero-astero koloretako paperak erabiliz irudi desberdinak sortzeko aukera izango dugu elkarrekin.

Jarraitu pausuak banan-banan huts egiteko beldurrik gabe eta gelditu bideoa edo bueltatu atzera behar duzunean. Prestatu zure papera eta ireki ondo begiak!

Pausuz pausu, etxeko txikienek beraien irudi propioa osatu ahal izango dute, animaliatxoak, kutxak eta bestelako formak sortuz. Etxeko txikienekin batera irudimena lantzeko eta trebatzeko saioa izango da “Papir-o!”.

Ez galdu “Papir-o!” saioaren estreinaldia, jada MAKUSIn ikusgai! Atalak zuen zain dituzue! Gainera, bidali zuen eskulana eta Makusin egongo da ikusgai.

Adi egon eta jarraitu MAKUSI webgunean zein sare sozialetan, nobedade guztien berri izateko! Gainera, gogoan izan, MAKUSI bideo plataforman edukiak ahalik eta gehien pertsonalizatzeko, zure kontuaren barruan  adinaren araberako profilak sortzea gomendatzen dizugu.